Princess Rapunzel

呢期個個玩織橡根, 連阿囡嘅老師同學都有玩, 咁即係我都要陪玩啦! 前幾日落order等送貨, 上網睇定教學先, 同阿囡一齊睇, 佢話要呢個Rapunzel公主, 跟住教學video做, 有幾難喎?! 好! 一口就答應!

點知...瀨嘢!... 醒起譚炳文首歌...

唔係入門基本步, 鈎咗幾次都錯, 到明白咗又發現需要嘅橡根顏色唔夠, 除咗黑色同粉紅色, 其他全部唔夠! 點算?! 無理由呢個時候放棄卦?! 咁咪用差唔多嘅顏色囉, 唔會好覺架啫... 唔夠紫色, 咪用藍色囉; 唔夠黃色, 咪用白色囉; 唔夠肉色, 咪用淺啡色囉....

結果...

面目全非到, 連阿媽都唔認得, 真係好樣衰呀！哈哈!