鈎織花花珠仔髮夾

之前好多半製成品, 趁落雨天完成埋啦... 整埋整埋可以送比人都好 :-)

絲絨蝴蝶髮夾

有個整蝴蝶輔助器, 當然要利用吓啦, 呢條絲絨係喺舊衫度嚟, 絲絨最煩係超吸塵!
呢個黑色黑到戴咗都唔覺, 可能阿囡可以戴返學! :-P

整蝴蝶輔助器

網上嘅DIY：

我就用咗紙巾盒同木筷子整, 啲木筷子要固定得好好, 唔係蝴蝶會整晤得靚。



 

蝴蝶髮夾

好耐無整頭飾DIY, 襯珠仔總局覺得有啲老氣.... 不過乜都要試過先睇得到效果, 同埋襯吓又可能有另一種感覺。:-P

痱滋

囡:「我呢度有粒痱滋好痛呀!」
我:「咁啲飯唔食架啦?」
囡:「係呀!」
我:「咁不如唔好食冰皮月餅!」
囡:「冰皮月餅可以食架, 食凍嘢唔痛架, 食熱嘢先痛, 同埋粒痱滋喺呢邊, 可以用嗰邊食。」
我:「...」

紙巾盒櫃桶

曾幾何時喺朋友屋企, 見到佢有個紙巾盒櫃桶, 一路好想學佢整番個, 但原來整起上嚟都唔係易架喎! 失敗咗一次, 就係唔夠堅固, 放嘢入去變晒型...呢個改良咗, 睇吓可以捱幾耐! 

我娘親見到我整咗成個下晝同身水身汗就同我講:「好得閒咩! 買個好平之嘛!」  
我:「阿媽, 好明顯呢個唔係錢嘅問題啦，你唔會睇唔出卦?!」 

改變

公司個洗手間係喺外面公家嘅, 要用鎖匙先入得, 外來訪客通常會跟埋我哋去, 而去女厠係會經過男厠門口。 
今日就有幾個國内同事嚟開會, 我同埋其中兩位喺休息時間去洗手間...
同事:「我覺得你變咗好多。」
我自己知自己事, 呢排努力瘦身又多咗打扮, 好多人都讚我, 不過循例都要問清楚,事關有女人嘅地方, 尤其係公司, 好多時好事都會變壞事 :-S
我:「邊方面改變呢? 好咗定壞咗?」
同事掛住講, 差啲推門入男厠...當然即刻叫停佢!
我:「好多人都話我有所改變, 但我又未至於有咁大改變 (無變性)...」

Banana

真係要做個至索人妻, 唔可以嫁咗生完就加入肥師奶行列, 最近打扮吓先返工, 多咗新衫, 會襯吓啲衫同鞋添, 仲好多人讚, 簡直充滿自信。
男同事: 「其實你每朝要用幾多時間去襯衫?」
我: 「唔明?!」
男同事: 「朝早趕住返工, 邊有咁多時間?! 我懷疑你有張excel sheet, 儲存晒你所有衫褲鞋襪, 一打個顔色就會自動出套衫俾你, 例如你今日就應該打咗“紅色”。」 
我: 「嘩! 你呢個idea幾好喎! 不過如果我打“黃色", 會唔會變咗一條香蕉?!」

公仔麵

星期日姐姐放假, 即係我要變身做阿四...
我:「想食乜?」
囡:「公仔麵, 要加啲嘢。」
我:「要加啲乜嘢?」
囡:「我想睇吓包公仔麵, 睇吓加乜嘢。」
我一頭霧水...
我:「哪! 」



囡:「唔係呢包, 黑色嗰包。」

我:「呢包? 蒜味, 又似係辣, 你唔啱架啦! 」

囡:「我要加隻蛋, 切開一半, 好似呢度咁, 知唔知?! 煮紅色嗰包都OK。」

我:「...」



音樂科功課 - 環保小提琴 take two

整完個小提琴, 阿囡話要有聲架喎! 吓?! 又唔早啲講, 點改良呀?!
 



改良唔到, 只可以再整... 呢個好環保feel...

 

 

 



音樂科功課 - 環保小提琴

嘩, 整小提琴咁大鑊, 何必偏偏選中我! (汗")
我:「點解寫媽媽, 可以寫爸爸架嘛...」
囡:「...」
我:「敲擊樂器喎, 小提琴係咩? 好似鼓先係喎!」(鼓都易整啲啦!)
囡:「小提琴係架, 老師話可以整架!」

唉... 整就整啦, 好彩之前有朋友整過, post咗上Facebook, 跟住個idea整囉。




















要用嘅有硬卡紙 (鞋盒、包裝盒厚厚哋嗰種)、木筷子、膠紙、繩、線、銀色紙條、膠水、間尺、鉛筆、顏色筆都係用咗黑色啫, 好慶幸我有好多廢物再用, 而唔係將原本唔係廢物嘅嘢變成廢物再用。

黑白圓點絲帶蝴蝶髮夾

用剩少少絲帶, 僅僅整到...

黑白絲帶花胸針 take two

買咗唔係好多絲帶, 但好似用極唔完... 有好多已經剪咗, 試吓整呢一款... 要用火機, 有啲難度, 第一次整唔多滿意, 不過OK啦! 襯吓隻大蝴蝶, 望落唔似同一條絲帶。

黑白絲帶花胸針...續

尋日個黑白絲帶花胸針整得麻麻, 黑白色係咪整簡單蝴蝶結更好?! 又試吓囉... 無偷懶架, 一樣整返Hademade字樣。試吓襯返尋日個胸針上去, 效果OK喎, 不過呢個size超大, 放上個頭度好誇張, 可能要放喺帽度。

黑白絲帶花胸針

好耐無做手工,  想用黑白色整, 效果好似麻麻...

美祿



囡:「我要飲美祿。」

我:「我哋無美祿喎。」

囡:「有呀, 婆婆買架。」

我:「哦, 一包包嘅, 你自己整得啦, 拎唔到隻杯就幫你拎, 你自己開咗倒入去再加水。」

囡:「婆婆話我要飲就叫你幫我整。」

我:「咁婆婆有無叫我整完飲埋佢?!」

囡:「無, 婆婆剩係話你幫我整。」

我:「...」



短褲

今年幾興超長boots, 買返對先, 襯短褲都幾好靚喎!
今日著咗返工, 放工返到屋企....
囡:「你做乜著到咁短?」
吓?! 呢句係咪阿媽同阿囡講啱啲呢.... (汗")
我:「我買咗對boots, 要襯返呀嘛...」
囡:「小心凍陣呀! 冬天就唔好著啦, 最好成個冬天都唔好著,... (下拆一大埋差唔多, 都係唔好著短褲嘅說話)」
我:「.....」

X星級酒店

同事:「去過X酒店, 星期三有free flow紅白酒同芝士、cold cut, 二百幾蚊都幾抵。」
我:「係咩, 等我上網check吓先。」
我:「唉呀! 一月一日起加咗價喎! 噢, 咪住, 有promotion到二十八號仲係舊價喎! 嘩! 等我book定位先!」

下晝三點左右打去, 竟然鈴咗好耐都無人聽.... 遲啲再打囉...
下晝六點左右打去, 竟然又鈴咗好耐都無人聽.... 唔係卦... 今次唔收線, 我等!
終於應該係飛咗去前台接聽: 「.... X hotel, how may I help you?」
我:「我想book你哋X bar個wine session! 4位21號。」
前台:「8 pm? 請問姓名同電話。」
我:「係呀! Vix mAMa, 電話abcdefgh。」
前台:「21號4位, Vix mAMa, V-I-X M-A-M-A, 電話abcdefgh。」
我:「全對! 唔該晒。價錢會係網上promotional price, 舊價架呵?!」
前台:「Promational price我唔肯定, 會請X bar同事儘快覆你。」
我:「好呀! 唔該晒。」

X bar:「Hello, I am calling from X bar, and would like to confirm your reservation for tonight.」
一開口竟然講英文?! 話晒呢度係香港, 見到我個姓都知唔係西人啦...
我:「I did not book tonight, I booked 21st wine session.」
X bar:「Is your name Victor Ma?」
我:「Not Victor, Vix mAMa.」
X bar:「You did not make a reservation yet? 」
我:「I have made a reservation, only not for tonight, but 21st.」
X bar:「Victor, do you want to confirm the reservation?」
我:「Vix mAMa....I called earlier for the reservation」
X bar:「Victor Ma on 21st at 3pm tea session.」
我:「Vix mAMa, wine session... 8 pm」
X bar:「OK, V. Ma on 21st at 8pm wine session.」
我差啲嘔白泡...
我:「I am just waiting for the confirmation of the promotional price HK$2xx.」
X bar:「Oh, that's our old price, we have new price since Jan. 1.」
我:「I know that, but I found the promotion in your website. It is until Jan. 28.」
X bar:「What is the promotion until?」
我:「Jan. 28!」
X bar:「Is it this year?」
今次真係嘔白泡...
我:「It is in your website, perhaps you can check.」
X bar:「Could you please indicate where you found the promotion.」
吓, 問我你個website嘅嘢喺邊度?! 你估我係你個IT同事咩 (汗")
我:「I cannot indicate now, but I cap the screen, perhaps I can send it to you by e-mail. Could you please let me know your e-mail address.」
X bar:「Oh, sure! It is xxx@xhotel.com. I don't really know about this promotion.」
我簡直覺得佢係火星人, 溝通唔到...

睇功課

囡:「你要幫我睇功課喎。」

我:「咪睇咗囉, 做晒啦。」

囡:「唔係呀! 你要幫我睇吓啱唔啱。」

我:「吓! 你啱唔啱唔係我責任喎, 我又無上堂, 點識呀?! 你錯咗, 老師會叫你改正架啦, 到時你咪知唔啱囉!」

囡:「小丸子媽咪會幫小丸子睇吓啱唔啱架喎。」

我:「咪係囉, 小丸子媽咪會幫小丸子睇吓啱唔啱, 我唔係小丸子媽咪, 咪唔駛睇囉。」

囡:「......」



新生BB

囡:「尋日呢度有BB出世呀!」
我:「哦, 隔離妹妹個媽咪生咗啦?」
囡:「唔係呀!」
我:「係喎, 隔離妹妹個媽咪應該三月先生喎, 仲有人就生咩? 邊個單位架? 樓上定樓下?」
囡:「係呀, 個媽媽叫陳太, 電視講架。」
我:「.......」(原來佢係講元旦出世嘅BB, 我仲以為佢講呢度係我哋屋企附近)

給有福氣的人看

《給有福氣的人看》- 身價上億的台積電董事長-張忠謀給員工的一段話

張忠謀：
「在一個講究包裝的社會裡，
我們常禁不住羨慕別人光鮮華麗的外表，
 而對自己的欠缺耿耿於懷。
就我多年觀察，
我發現...」
沒有一個人的生命是完整無缺的，
每一個人的生命多少都缺了一些甚麼東西。

有人夫妻恩愛、
月入數十萬元，卻遇到嚴重的不孕症；
有人看似好命、能幹多財，
情字路上卻是坎坷難行；
有人家財萬貫，卻是子孫不孝；
有人看似好命，可是一輩子卻腦袋空空 所學無術。
每個人的生命，
都被上蒼劃上了一道缺口貼了一個標籤，
你不想要它，它卻如影隨形跟著你。

以前我也痛恨我人生中的缺失，
但現在我卻能寬心接受，生活自如
因為我體認到
生命中的缺口，彷若我們背上的一根刺，
時時提醒著我們要謙卑，要懂得憐恤他人。

若沒有苦難，我們不知不覺會驕傲，
沒有滄桑，我們更不會以同理心去安慰不幸的人。
我也相信，
人生不要太圓滿，
有個缺口讓福氣流向別人是很美的一件事，
你不需擁有全部的東西，
若你樣樣俱全，你怎麼會去管別人吃什麼東西呢？

我也體會到每一個生命都有缺陷，
所以我不會再與別人作無謂的比較，
反而更能珍惜自己所擁有的一切。
猶記得我那堪稱為台灣阿信的企業家姑媽，
在年近七旬遁入空門前告訴我：
「我這輩子所結交的 達官顯貴不知凡幾，
他們的外表高貴亮麗實在很令人羨慕，
但深究其裡，
每個人內心都有一本難念的經，
甚至苦不堪言。」

所以，
不必要去羨慕別人的如何如何，
只要好好珍惜上天給你的那份恩典就好了，
你會發現你所擁有的絕對比沒有的要多出許多，
而缺失的那一部分，雖不可愛，
卻也是你生命的一部分，
接受它並善待它，
你的人生絕對會快樂豁達許多。

如果你是一個蚌，
你願意受盡一生的痛苦而凝結出一粒珍珠，
還是不要珍珠，寧願舒舒服服的活著？

如果你是一隻老鼠，
你發覺你已經被關進捕鼠籠裡，
而你前面卻有一塊香噴噴的蛋糕，
這時，你究竟是吃還是不吃呢？
早期的撲滿都是用陶磁作的，
一旦存滿了錢幣，
就要被人一聲敲碎；
如果有這麼一隻撲滿，
始終沒有錢幣投進來，
一直瓦全到今天，它就變成了一個貴重的古董，
那你願意做哪一種撲滿？

在生命中我們有時候會選擇裝傻，
不論是面對生活、愛情、甚至自我。
你每想到一個問題就記下你的答案，
直到有一天你的答案固定不再變動，
那就是你已經成熟了。