白桃啫喱

返到屋企, 阿囡食緊啫喱, 個樣好享受吓喎。

我:「嘩! 有啫喱食咁好嘅?」
囡:「係呀! 婆婆買咗三個, 尋日爹哋食咗一個, 我食咗一個。」
我 (銳利眼光):「婆婆買咗三個, 爹哋一個, 你一個, 咁呢個係咪應該係我嘅呢?」
囡:「.... 」
繼續食, 無意識想俾返我, 對眼碌咗一陣....
囡:「我想試吓呢個味呀嘛, 尋日嗰個係提子, 呢個係桃。」
我:「但係我都想試吓架喎。」
囡 (好認真):「你下次會有機會架, 真架。」
然後繼續食...
我:「.... 」