叩門遊戲...完

真係估唔到幼稚園嘅同學會睇世界杯...
囡:「巴西輸咗呀!」
我:「你又知?! 係呀, 巴西對德國, 輸咗1比7呀, 輸咗真係會好唔開心, 我都唔開心。」
囡:「輸咗無得玩囉。」
我:「仲有, 不過季軍賽囉, 爭第三名, 無得做第一同第二啦。」
囡:「咁邊個贏呀?」
我:「未知喎, 巴西對荷蘭, 不過巴西都贏過好多人先嚟到呢度架, 咁你話係咪贏過就一定贏?」
囡:「唔係。」
我:「咁輸咗係咪永遠都會輸呢?」
囡:「唔係。」
我:「四年後巴西又會再有機會, 依家努力練習, 下次一定會贏返架!」
我:「其實我哋個叩門遊戲都輸咗啦... 不過六年之後, 我哋又有機會再玩過, 只要你努力, 我哋會贏返架!」
囡:「我會俾心機架啦。」
(得閒真係要提吓你應承過我先得!, 哈哈!)