陪午膳日...續

又去到學校陪阿囡午膳, 佢隔離個女同學, 一見到我就不停同我講嘢, 我行去邊佢都跟住我, 介紹完學校、課室、老師、活動, 就講屋企, 佢屋企人無嚟, 唔知嘅會唔會以為我係佢阿媽??!!
到夠鐘要走, 佢有啲依依不捨... 
同學:「聽日見呀!」
我:「吓, 聽日無得陪食飯喎, 得兩日之嘛! 聽日我唔嚟, 唔見架啦!」
同學:「係喎, 不過八月二十日係家長, 到時你嚟啦, 我哋又見啦!」
我:「吓, 八月過咗啦喎!」
同學:「講錯咗, 係九月二十日, 到時再見啦!」
我:「...」

放學返到屋企,
我:「我覺得坐你隔離個同學好鍾意我, 佢不停同我講嘢。」
囡:「梗係唔係啦, 佢知你係我媽咪先同你講嘢。」
我:「...」