唔小心

前幾日阿囡放學長睇電視， 俾我鬧爆, 今日放工夜返, 發現佢無執書包,好彩做晒功課!
囡：「我今日好少睇電視。」
我：「我無話唔可以睇電視, 但係要做完功課, 執好書包,同溫習咗先得。」
囡：「係呀, 我做晒先睇電視, 睇咗一陣咋。」
睇到連麵包超人首日文歌都識唱, 好難相信係睇咗一陣....
我：「今日默書識唔識呀?」
囡：「啱晒啦!」
我：「吓?! 默完都未派, 你又知?」
囡：「我一早就知架啦。」
突然咁有自信?!
我：「OK, 但你無執書包嘅? 未執就睇電視?」
囡：「哦,我唔記得執書包,唔小心睇咗電視。」
我：「...」