日清揭開好味來嘉年華

今日參加咗自製杯麵活動, 幾得意架喎, 首先自己畫好個杯, 選一種湯底同四種饀料, 再拎去包裝。

一睇阿囡個作品, 好樣衰吓喎, 但聽佢講完原來佢係畫Rapunzel公主, 困喺堡壘度, 頭髮好長, 聽完又覺得佢畫唔錯! 哈哈!

排緊隊包裝時聽到有人寫咗父親節快樂, 係喎! 就快父親節, 本來阿囡都想寫, 但寫完個「父」字就唔識點寫落去, 跟住佢即刻將個「父」字變咗一pat花。

然後寫咗我個名同"I love u", 吓?! 乜唔係寫父親節架咩?
我: 「Daddy個名呢?」
囡: 「唔駛啦, 佢都無嚟。」
我: 「......」