婆婆的幽默

間唔中就會收到電話, 問要唔要借錢, 唔駛還咩?! 我通常收到呢啲電話會即刻收線, 講都嫌費事, 你估我好得閒咩?!

但對於我好得閒嘅娘親就唔同啦...
財務債款:「我哋幫你周轉, 唔駛入息證明,..................., 易借易還。」
娘親:「咁你借到幾多俾我呀?」
財務債款:「我哋可以借到五萬俾你。」
娘親:「車, 借五萬俾我有鬼用咩, 買樓都幾百萬, 係借就借五千萬啦!」
財務債款好快收咗佢線, 哈哈!